4

ന്യൂ​ഡ​ല്‍​ഹി: കേ​ന്ദ്ര ധ​ന​മ​ന്ത്രി നി​ര്‍​മ​ല സീ​താ​രാ​മ​ന്‍ ഇ​ന്ന് പാ​ര്‍​ല​മെ​ന്‍റില്‍ ​അ​വ​ത​രി​പ്പി​ക്കു​ന്ന കേ​ന്ദ്ര ബ​ജ​റ്റി​ല്‍ നി​കു​തി ഇ​ള​വു​ക​ളും പ്രത്യേ​ക പാ​ക്കേ​ജും ഉ​റ്റു​നോ​ക്കി കേ​ര​ളം. സം​സ്ഥാ​നം നേ​രി​ടു​ന്ന ക​ടു​ത്ത സാ​മ്പ​ത്തി​ക പ്ര​തി​സ​ന്ധി മ​റി​ക​ട​ക്കാ​നു​ള്ള പ്ര​ത്യേ​ക പാ​ക്കേ​ജും ദീ​ര്‍​ഘ​കാ​ല ആ​വ​ശ്യ​ങ്ങ​ളാ​യ എ​യിം​സ്, ശ​ബ​രി റെ​യി​ല്‍ തു​ട​ങ്ങി​യ പ​ദ്ധ​തി​ക​ളും ഇ​ത്ത​വ​ണ അം​ഗീ​ക​രി​ക്ക​പ്പെ​ടു​മെ​ന്നാ​ണ് കേ​ര​ള​ത്തി​ന്‍റെ ക​ണ​ക്കു​കൂ​ട്ട​ല്‍.  

ക​ട​മെ​ടു​പ്പ് പ​രി​ധി​യി​ലെ നി​യ​ന്ത്ര​ണ​ങ്ങ​ളും ജി​എ​സ്ടി ന​ഷ്ട​പ​രി​ഹാ​രം നി​ര്‍​ത്ത​ലാ​ക്കി​യ​തും മൂ​ലം ഉ​ണ്ടാ​യ 21,000 കോ​ടി​യു​ടെ വ​രു​മാ​ന ക​മ്മി നി​ക​ത്താ​ന്‍ പ്ര​ത്യേ​ക 'ഫി​സ്‌​ക​ല്‍ ക​റ​ക്ഷ​ന്‍ പാ​ക്കേ​ജ്' കേ​ര​ളം ആ​വ​ശ്യ​പ്പെ​ട്ടി​ട്ടു​ണ്ട്. കോ​ഴി​ക്കോ​ട് കി​നാ​ലൂ​രി​ല്‍ ഭൂ​മി ഏ​റ്റെ​ടു​ക്ക​ല്‍ ഉ​ള്‍​പ്പെ​ടെ​യു​ള്ള ന​ട​പ​ടി​ക​ള്‍ പൂ​ര്‍​ത്തി​യാ​യി​ട്ടും കേ​ന്ദ്രാ​നു​മ​തി ല​ഭി​ക്കാ​ത്ത സാ​ഹ​ച​ര്യ​ത്തി​ല്‍, ഇ​ത്ത​വ​ണ ബ​ജ​റ്റി​ല്‍ എ​യിം​സ് പ്ര​ഖ്യാ​പ​നം ഉ​ണ്ടാ​കു​മെ​ന്ന ഉ​റ​ച്ച പ്ര​തീ​ക്ഷ​യി​ലാ​ണ് സം​സ്ഥാ​നം.

റ​ബ​റി​ന്‍റെ താ​ങ്ങു​വി​ല 250 ആ​യി ഉ​യ​ര്‍​ത്ത​ണ​മെ​ന്നും റ​ബ​ര്‍ ബോ​ര്‍​ഡി​ന് കൂ​ടു​ത​ല്‍ വി​ഹി​തം അ​നു​വ​ദി​ക്ക​ണ​മെ​ന്നും കേ​ര​ളം ആ​വ​ശ്യ​പ്പെ​ട്ടി​ട്ടു​ണ്ട്. വി​ഴി​ഞ്ഞം അ​ന്താ​രാ​ഷ്ട്ര തു​റ​മു​ഖ​ത്തി​ന്‍റെ വി​ക​സ​ന​ത്തി​ന് പ്ര​ത്യേ​ക ഫ​ണ്ടും ട്രാ​ന്‍​സ്ഷി​പ്പ്‌​മെ​ന്‍റ് ഹ​ബ്ബി​നു​ള്ള ആ​നു​കൂ​ല്യ​ങ്ങ​ളും കേ​ര​ളം പ്ര​തീ​ക്ഷി​ക്കു​ന്നു.

അ​ങ്ക​മാ​ലി-​എ​രു​മേ​ലി ശ​ബ​രി റെ​യി​ല്‍​വേ പ​ദ്ധ​തി​ക്ക് മ​തി​യാ​യ തു​ക വ​ക​യി​രു​ത്ത​ണ​മെ​ന്ന​ത് സം​സ്ഥാ​ന​ത്തി​ന്‍റെ കാ​ല​ങ്ങ​ളാ​യു​ള്ള ആ​വ​ശ്യ​മാ​ണ്. വി​ദേ​ശ​ത്തു​നി​ന്ന് തി​രി​ച്ചെ​ത്തു​ന്ന പ്ര​വാ​സി​ക​ളു​ടെ പു​ന​ര​ധി​വാ​സ​ത്തി​നാ​യി പ്ര​ത്യേ​ക കേ​ന്ദ്ര പ​ദ്ധ​തി​യും സം​സ്ഥാ​നം ഉ​റ്റു​നോ​ക്കു​ന്നു.

ക​ഴി​ഞ്ഞ ദി​വ​സം അ​വ​ത​രി​പ്പി​ച്ച സം​സ്ഥാ​ന ബ​ജ​റ്റി​ല്‍ ധ​ന​മ​ന്ത്രി കെ.​എ​ന്‍. ബാ​ല​ഗോ​പാ​ല്‍ വ​ലി​യ ക്ഷേ​മ പ​ദ്ധ​തി​ക​ള്‍ പ്ര​ഖ്യാ​പി​ച്ചി​രു​ന്നു. എ​ന്നാ​ല്‍ ഇ​വ​യു​ടെ വി​ജ​യ​ക​ര​മാ​യ ന​ട​പ്പാ​ക്ക​ലി​ന് കേ​ന്ദ്ര വി​ഹി​ത​ത്തി​ലും വാ​യ്പാ പ​രി​ധി​യി​ലും ഇ​ള​വ് അ​നി​വാ​ര്യ​മാ​ണ്. 16ാം ധ​ന​കാ​ര്യ ക​മ്മീ​ഷ​ന്‍ റി​പ്പോ​ര്‍​ട്ട് അ​നു​കൂ​ല​മാ​കു​മെ​ന്ന പ്ര​തീ​ക്ഷ​യും കേ​ര​ള​ത്തി​നു​ണ്ട്.

റെ​യി​ല്‍​വേ വി​ക​സ​നം, സി​ല്‍​വ​ര്‍ ലൈ​ന്‍ പ​ദ്ധ​തി​ക്കു​ള്ള അ​നു​മ​തി, കോ​സ്റ്റ് ഗാ​ര്‍​ഡ് അ​ക്കാ​ദ​മി തു​ട​ങ്ങി​യ വി​ഷ​യ​ങ്ങ​ളി​ലും കേ​ന്ദ്ര നി​ല​പാ​ട് ഇ​ന്ന​റി​യാം. രാ​വി​ലെ 11 മ​ണി​ക്ക് ധ​ന​മ​ന്ത്രി നി​ര്‍​മ്മ​ല സീ​താ​രാ​മ​ന്‍ ബ​ജ​റ്റ് അ​വ​ത​രി​പ്പി​ക്കു​ന്ന​തോ​ടെ കേ​ര​ള​ത്തി​ന്‍റെ ഈ ​ആ​വ​ശ്യ​ങ്ങ​ളി​ല്‍ എ​ത്ര​ത്തോ​ളം പ​രി​ഗ​ണ​ന ല​ഭി​ക്കു​മെ​ന്ന് ഇ​ന്ന് വ്യ​ക്ത​മാ​കും.

ഇന്ത്യൻ സാമ്പത്തിക രംഗം ആകാംക്ഷയോടെ കാത്തിരിക്കുന്ന 2026ലെ കേന്ദ്ര ബജറ്റ് ഞായറാഴ്ച അവതരിപ്പിക്കുമ്പോൾ ധനമന്ത്രി നിർമല സീതാരാമനെ കാത്തിരിക്കുന്നത് അപൂർവമായ നേട്ടങ്ങൾ. ഇന്ത്യൻ ബജറ്റ് ചരിത്രത്തിലെ ചില കൗതുകങ്ങളും റിക്കാർഡുകളും ഇങ്ങനെ.

1. ചരിത്രപരമായ ഒമ്പതാം ബജറ്റ്

2019ൽ ധനമന്ത്രിയായി ചുമതലയേറ്റ നിർമല സീതാരാമൻ, നാളെ അവതരിപ്പിക്കുന്നത് തന്‍റെ ഒമ്പതാമത്തെ ബജറ്റാണ്. ഇന്ത്യയുടെ ചരിത്രത്തിൽ ഇത്രയധികം തവണ തുടർച്ചയായി ബജറ്റ് അവതരിപ്പിച്ച ഏക ധനമന്ത്രി എന്ന റിക്കാർഡ് ഇതോടെ നിർമല സീതാരാമനു സ്വന്തമാകും. മുൻ പ്രധാനമന്ത്രി മൊറാർജി ദേശായി 10 തവണ ബജറ്റ് അവതരിപ്പിച്ചിട്ടുണ്ടെങ്കിലും അതു തുടർച്ചയായിട്ടായിരുന്നില്ല. എന്നാൽ, തുടർച്ചയായി ഇത്രയധികം തവണ ബജറ്റ് അവതരിപ്പിച്ച ഏക ധനമന്ത്രി എന്ന ബഹുമതി ഇതോടെ അവർക്കു സ്വന്തമാകും.

2. ആദ്യ പൂർണസമയ വനിതാ ധനമന്ത്രി

ഇന്ത്യൻ ബജറ്റ് അവതരണത്തിൽ വനിതാ സാന്നിധ്യം നേരത്തെയും ഉണ്ടായിട്ടുണ്ട്. 1970ൽ അന്നത്തെ പ്രധാനമന്ത്രി ഇന്ദിരാഗാന്ധി ധനമന്ത്രാലയത്തിന്‍റെ അധിക ചുമതല വഹിക്കുകയും ബജറ്റ് അവതരിപ്പിക്കുകയും ചെയ്തിരുന്നു. എന്നാൽ, ഇന്ത്യയുടെ ചരിത്രത്തിൽ ഒരു പൂർണസമയ വനിതാ ധനമന്ത്രി എന്ന പദവിയിൽ ഇരുന്ന് ബജറ്റ് അവതരിപ്പിക്കുന്നത് നിർമല സീതാരാമൻ മാത്രമാണ്.

3. ഏറ്റവും ദൈർഘ്യമേറിയ പ്രസംഗം

ഇന്ത്യൻ പാർലമെന്‍റ് ചരിത്രത്തിലെ ഏറ്റവും ദൈർഘ്യമേറിയ ബജറ്റ് പ്രസംഗം എന്ന റിക്കാർഡ് നിലവിൽ നിർമല സീതാരാമന്‍റെ പേരിലാണ്. 2020 ഫെബ്രുവരി ഒന്നിന് രണ്ട് മണിക്കൂർ 42 മിനിറ്റ് നീണ്ട പ്രസംഗമാണ് അവർ നടത്തിയത്. ശാരീരിക അസ്വസ്ഥതകൾ മൂലം അവസാന രണ്ട് പേജുകൾ വായിക്കാതെയാണ് അന്ന് അവർ പ്രസംഗം അവസാനിപ്പിച്ചത്.

4. പാരമ്പര്യത്തിൽനിന്ന് മാറ്റത്തിലേക്ക്

ബ്രിട്ടീഷ് ഭരണകാലം മുതൽ തുടർന്നുപോന്ന പല കീഴ്വഴക്കങ്ങളും നിർമല സീതാരാമൻ തിരുത്തിക്കുറിച്ചു. ബജറ്റ് രേഖകൾ സൂക്ഷിക്കുന്ന 'ബ്രിട്ടീഷ് ബ്രീഫ്‌കേസിന്' പകരം ചുവന്ന തുണിയിൽ പൊതിഞ്ഞ 'ബഹി ഖാത' (Bahi Khata) കൊണ്ടുവന്നതും പിന്നീട് അത് പൂർണമായും ഡിജിറ്റൽ രൂപത്തിലാക്കി ടാബ്‌ലറ്റിൽ അവതരിപ്പിച്ചു തുടങ്ങിയതും ഇവരുടെ കാലത്താണ്.